Previše ste nervozni da biste zaspali? Ovo može da pomogne

Da li vam se nekada desilo da onog trenutak kada spustite glavu na jastuk tog momenta misli počinju da cam se gomilaju po glavi? To umije jako da utiče na našu mogućnost da utonemo u san, posebno ako su u pitanju negativne misli.

– Anksioznost je ono što nas zapravo budi. Dobra vijest je da, kao što našu anksioznost pokreću loše misli, tako imamo i mogućnost da i prizovemo lijepe misli i bolje spavamo, kaže doktor Stiv Orma, psiholog i auitor knjige Stop Worrying and Go to Sleep: How to Put Insomnia to Bed for Good . 

1) PREPOZNAJTE ŠTA JE TO ŠTO VAS BRINE 

Otkivanje izvora vaše anksioznosti je važan korak. Ako patite od nesanice, anksioznost osjećate zbog odlaska na sapavanje, a ako imate anksioznost koja nije vezana za nesanicu, onda je ona posljedica nagomilanih misli i problema. 

2) IZAĐITE IZ KREVETA 

– Većina ljudi ostaje u krevetu i nada se da će se umoriti i zaspati, ali to se najčešće ne dešava,kaže doktor Orma. 

Nakon nekog vremena ljudi nesvjesno počinju da povezuju da biti u krevetu znači biti budan. Ako ne zaspete u roku od 20 do 30 minuta, ustanite i idite u drugu sobu. 

3) PROMIJENITE VRIJEME KADA IDETE NA SPAVANJE 

Ako konstantno imate problem sa uspavljivanjem, možda bi trebalo da promijenite svoj raspored spavanja. 

– To je greška koju većina ljudi pravi. Odlaze na spavanje zato što je njihovo vrijeme za spavanje, a ne zato što su pospani. Tada ih budnim drži, ne anksioznost, već to što nisu dovoljno umorni da bi zaspali, tvrdi doktor Orma. 

4) ZAPIŠITE ŠTA VAM JE U MISLIMA 

Istraživači tvrde da zapisivanje negativnih ideja ili problema može da vam pomogne da razbistrite misli. 

– Uzmite parče papira i zapišite sve što vas muči, bez obzira da li je to problem sa snom ili poslom ili u vezi. Tada ne možete da rješavate te probleme. Ostavite listu pored kreveta, time ćete se baviti sutra, kaže Orma. 

5) AKO NIŠTA NE POMAŽE, PROBAJTE DA OKUPIRATE MOZAK NEČIM 

Ako ništa od svega što ste probali ne pomaže, probajte da okupirate mozak nečim. Na primjer, čitate knjigu, slušajte muziku, popijete čaj ili meditirate. Izbjegavajte telefon ili kompjuter jer vas ti uređaji duže drže budnim. Ako vaša nesanica ili anksioznost remeti vaš svakodnevni život, trebalo bi da se obratite ljekaru.

Dobivaj najvažnije vijesti porukom na Viberu: KLIKNI OVDJE