Pronađen mladić nakon 16 godina u sibirskoj divljini

Priča o mladiću starom 20 godina, koji je odrastao u jednoj šumi u Sibiru, a koga su ruske vlasti nedavno pronašle, preplavila je ruske medije koji pišu o neobičnom životu “dječaka iz šume” – “sibirskog Moglija”.

Žitelji u okolini grada Belokurika u Altajskoj oblasti pronašli su mladića koji je rekao vlastima da je rođen 1993, a da je u šumi živio 16 godina s roditeljima, koji su 1997. odlučili da se povuku iz društva i žive u kolibi.

Roditelji su napustili mladića u maju, a on se, po isteku toplih ljetnih dana, uplašio kako će sam provesti zimu u šumi, pa je odlučio da zatraži pomoć u obližnjem selu.

Jedna žena ga je zatim odvela do suda da bi od vlasti tražila da mu pomognu, a mladić se nakon toga vratio u svoje “skrovište” u šumi na jugu Sibira.

Lokalno tužilaštvo zatražilo je od suda da mladiću obezbjedi lične dokumente da bi mogao da traži pomoć od države.

“Nisam siguran da mu je potrebna sva ta pažnja. Izgleda normalno i zdravo, samo sporo govori, jer nije komunicirao tako često kao većina ljudi”, rekao je tužilac Roman Fomin.

Tanjug

Dobivaj najvažnije vijesti porukom na Viberu: KLIKNI OVDJE