Nema greške: Jednostavan recept za savršenu kukuruzu!

Kukuruza je tradicionalno jelo, omiljeno na našim prostorima. Donosimo vam recept koji se prenosi s koljena na koljeno, i s kojim nikako ne možete pogriješiti.

Za pripremu vam neće trebati više od 5 minuta, a proizvod koji izađe iz rerne jednostavno je savršen.

Njen ukus i izdašnost neće vas ostaviti ravnodušnim. Kukuruza će podjednako biti dobra i sutradan, ako vam kojm slučajem ostane koja mrvica.

Dakle: 

1. Umutite dva jajeta, 5 šoljica mlijeka (može pola kiselog), 3 šoljice ulja, 3 šoljice kukuruznog brašna, 3 šoljice “običnog” brašna, sol, prašak za pecivo. U smjesu, po želji, možete dodati i feta sira.

2. Tepsiju podmažite maslinovim uljem i dodajte smjesu. Pecite 15 do 20 minuta na 250 stepeni. 

Ova smjesa dovoljna je za okruglu tepsiju standardne veličine, ali možete koristiti i manju tepsiju, ako volite da kukuruza bude više kao kolač.

Uživajte, mi sigurno hoćemo!